Fíɗ césíŋ húmú non iña na hégíƴúu ɓëy ŋdút ɗë.
Tëek
Césíŋ húmú non iña lukki lah solo yii hente goneel ɓéeɓ Ndút. Tígí húmú daaƴu gúm césíŋ merees ɓéeɓ, goneel daa húmú tah. Yii baa daa tah gonli habu goneel mereees koon ɓéeɓ, ɓëeꞌ koloh paŋi ra hom daaƴaꞌ gúm césíŋ.
Bee césíŋ homute fíɗ ɗë nék hom téekínúu a keraa. Césíŋ fë céprú rëe, wa túmúu gúm. Keraa a gúm ɓéeɓ wa koy gañcaha yínë, gúmë daa ri bee lukki gaan ɗa.
Kíilë, césíŋ na húmú neɓ nebi fu yúhté biti lípëenë ac yínë kut fu han ɗi fu ot afu. Lípëen daa guluŋ gaan.
