Hégílëe yí ɓëy Ndút húmú ƴeh : yooti, sígë, úrëey, anil, nduli, ndiŋalɓatih, bërëꞌ, këel.
- Yooti, ɗi hégílëꞌí meelaꞌte níɓ caak. Ɗi pagaɗ ƴaal te ri hom hoñci paguu këem,
- Úrëey, ɗi hégílëꞌí meelaꞌte níɓ caak. Ɗi yin ɓeleɓ te ri hoñci paguu këem mbée ëtís,
- Anil, Nduli a Ndiŋalɓati daa na húmú yëedíɗ kúkëy yin caak.
- Ɓërëꞌ, ɗi húmú lahay laɓaꞌ ndaa ri hégílëꞌ ƴaal tígí, ndah ɗi meelaꞌte kaañ, meelaꞌte hereñ ndaa meelaꞌte doole ɓal. Ɗi húmú hoñci paguu bee too nonte níi ɓëewë ɗëɓírëh, ñam níi loo yi wa maƴ.
Jaasi-Pël
